المتفائلة
عضو شاغول
تاريخ التسجيل : 17/09/2009
 | موضوع: احبه لشاعرة نهى نبيل  الثلاثاء سبتمبر 29, 2009 6:41 am | |
| ويقولوا إن الزين بس للصبايــا
حكي الجياكر صدق ماخوذ خيره
عندي حبيب فيه كل المزايا
فوق الشهامه اشهد انه دميره
له ضحكة تسوى سواة وسوايا
و رزة عقال ماهي لحــد غيـــــــره
وغمازيتين هناك صوب الشفايا
و نظرات عين يالخلايق خطيره
ودي اشوفه كل لحظه معايا
عيني بصيره بس اليد قصيره
صرت ألمحه في عين كل الزوايا
واموت لاجا ذكره بأي سيره
اترك عشانه كل عمري ورايا
وابني له بوسط الحشا ألف ديره
سبحان من خلى الحسن فيه آيه
قلبي هواه ومدري وش هو مصيره
من يوم شفته الوصل صار غايه
ورسمت في لحظه اماني كثيره
واظن اني تناسيت كل البلايا
وعيوبه صارت في عيوني صغيره
كحيان و منتف قليل العطايا
مير اشعر بظله كني أميرة
يرمي سهام العشق احسن رمايه
و ينيشن قليبي وينثر عبيره
كم مرة يحلف ماله سوايا
ولاجا يناديني ينادي سميـره
لكن أحبه يا بلاه وبلايا
وابقى اتحمل سلبيات كثيـره
لأني وهبته الروح وأجمل هدايا
حبي مع اخلاص على شوية غيّـره
وصرت اعذره و اهيم به في عمايا
واقول يرجع لي ويعقل مسيــره
جنن قلوب الناس و أحلى الصبايا...
وعذب لي قليبي ملعوووووون خيـره ...!!
| |
|
منير الطائي
مدير عام لمنتديات عيون مها
تاريخ التسجيل : 15/09/2009
| | موضوع: رد: احبه لشاعرة نهى نبيل الثلاثاء سبتمبر 29, 2009 7:09 am | |
| الله روعة يسلموووووووووووووو على الكلمات الحلوة والجميلة | |
|
